香港人成日羨慕台妹咁靚，化妝又有一手～其實用嘅都唔係好貴嘅化妝、護膚品，係台灣自家品牌—1028！台灣嘅產品性價比一向都頗高，今次U編介紹幾件 1028 必買嘅彩妝品，而家大家可以去屈臣氏專櫃買到喇～
布朗尼眼影盒 Brownie Eyeshadow Kit / $149
Brownie 眼影盒一直都係港台 blogger 嘅寵兒，一盒眼影有6隻色之餘，仲大格又抵用，全部都係大地色，無論係淡妝定濃妝都一樣用到！
Brownie 眼影盒上排係打底及暈染色，所以偏淺色，化淡妝一流～而下排就有3種較深啡色嘅眼線色，想化 smoky eyes 就冇難道啦！
1028 嘅眼影盒質地柔滑，粉質夠哂細緻。唔講唔知，品牌仲有將保養成分注入化妝品中，而佢地嘅眼影盒就注入左維他命 E 成分，可以 keep 著眼部肌膚柔嫩，眼妝更持久，絕對係抵用之選！
想化清新淡妝，可以上排打底色為主，較淺色又容易控制，輕輕幾下就能做到精神又 bling bling 嘅效果喇～
如果想比啲挑戰自己，化 Smoky eyes 的話，可用其中一隻打底色塗滿整個眼窩，再塗中間色號塗於睫毛根部至眼褶處 blend 開，然後用較深色一格從眼窩中段處向眼尾方向暈刷，仲可以用埋 brownie 嚟畫埋眼線添！
馬卡龍眼影盒 Macaron Eyeshadow Kit / $149
1028 嘅馬卡龍眼影盒亦係品牌嘅皇牌產品之一，以粉嫩及較淺顏色為主，粉紅色包裝已經夠哂吸引，一打開仲有一塊小鏡在內，夠哂貼心。
上排同樣係較淺嘅打底色，仲有好多女孩都會鐘意嘅香檳金色，而下排就係以偏粉紅及紫色為主嘅眼影色，想打造可愛少女感就岩哂喇！
恆采保濕 CC 粉底蜜 Hydrating CCdation SPF25 PA++ / $149
1028 恆采保濕 CC 粉底蜜，其實就等於 CC Cream + foundation ，輕盈薄透而且延展性高，仲可以好快就修飾好皮膚上嘅瑕疵，讓肌膚更自然、透亮～（小編感覺真係好舒服、好似冇化妝咁～）
每次只需要一粒珍珠大小嘅份量，就足夠搽勻全面，仲會有輕薄自然嘅效果。（要重點遮瑕嘅地方可以再加多少少粉底增加 coverage！
雪絨裸光粉餅 Weightless Nude Compact Powder / $99
除左一系列彩妝品之外，又點少得用 1028 嘅雪絨裸光粉餅嚟定妝呢？1028 呢隻 Weightless Nude Compact Powder 粉質幼滑得嚟貼合肌膚，有效控油能妝感持久不浮粉。用粉餅最怕就係過乾，但 1028 粉餅內含玻尿酸及保濕分子，可以為肌膚補充水分，化妝同時保濕，燒到你了吧～～
港女們，快啲去附近嘅屈臣氏搵 1028 嘅專櫃掃貨啦！
